पैरवी अनलाइन
राम बहादुर बिश्वकर्मा
प्यूठान नगरपालिकाको शिक्षा शाखामा लगाएको ताला खुलेको छ ।
अनेरास्ववियु प्यूठानले मुक्ति माध्यमिक विद्यालयमा कार्यरत शिक्षक विष्णु पोख्रेललाई प्यूठान नगरपालिकाले विद्यालयमा नियमित अध्यापनमा नखटाई कार्यालयको आन्तरीक कामकाजमा खटाउँदै आएको र हाल शिक्षा शाखा प्रमुखको जिम्मेवारी समेत दिएकाले विद्यालय फर्काउन माग गर्दै माघ २७ गते शिक्षा शाखामा ताला लगाएको थियो ।
बुधबार बसेको प्युठान नगरपालिकाका मेयर अर्जुनकुमार कक्षपति,उपमेयर शान्ता आचार्य, प्रमुख प्रसासकिय अधिकृत महेश कुमार गुरुङ,शिक्षा अधिकृत बासुदेव पण्डित र अनेरास्ववियु का पदाधिकारी बीच भएको निर्णय पूर्णपालना गर्ने लिखित सहमति भएपछि अनेरास्ववियु पक्षले नै आज ताला खोलेको अनेरास्ववियु प्युठानका अध्यक्ष जाल बहादुर के सि ले बताउनुभयो।
शिक्षक पोख्रेललाई बैशाख २ गतेदेखी काज फिर्ता गरि सम्वन्धित विद्यालयमा हाजिर गराउने,नगरपालिका भित्रको शैक्षिक गुणस्तर वृद्धिका लागि विभिन्न कार्यक्रम गर्ने लगायतका बिषयमा अनेरास्ववियु र नगरपालिकाबीच समन्वय गर्दै जाने भनेर छलफल भएपछि हामीले ताला खुलेका हौँ',अध्यक्ष के सि ले भन्नुभयो,'शैक्षिक गुणस्तर वृद्धिका लागि शैक्षिकसत्र २०७९ को आगाबै अन्तरकृया गर्ने समेत सहमति भएको छ।"
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्