पैरवी अनलाइन
काठमाडौं,मीनबहादुर गुरुङबाट एमालेले स्वीकार गरको जग्गा उपहार प्रकरणमा सार्वजनिक अभिव्यक्ति दिएको भन्दै नेकपा एमालेले आफ्ना तीन नेतालाई स्पष्टीकरण सोध्ने निर्णय गरेको छ ।
केन्द्रीय कार्यालय च्यासलमा बसेको सचिवालय बैठकले पूर्व उपाध्यक्ष भीम राव सहित तीन नेताहरुलाई कारवाही स्वरुप स्पष्टीकरण सोध्ने निर्णय गरेको हो । स्पष्टीकरणमा पर्नेहरुमा स्थायी कमिटी सदस्य विन्दा पाण्डे र केन्द्रीय सदस्य उषाकिरण तिमिल्सिना समेत रहेका छन् ।
केन्द्रीय कार्यालय भवन निर्माणबारे पार्टीले गरेको निर्णय विपरीत सार्वजनिक अभिव्यक्ति दिएकाले पाण्डे र तिमिल्सिनासँग स्पष्टीकरण सोध्ने निर्णय भएको र लगातार पार्टी निर्णय विरुद्ध अभिब्यक्ति दिएको अभियोगमा नेता रावललाई स्पष्टीकरण सोध्ने निर्णय भएको बैठकमा सहभागी एक नेताले बताए ।
गत २४ असोजमा बसेको एमाले सचिवालय बैठकले व्यावासायी मीनबहादुर गुरुङबाट १० रोपनी १४ आना जग्गा सहित एक अर्ब बराबरको केन्द्रीय कार्यालय भवन दानमा लिने निर्णय गरेको थियो ।
उक्त निर्णयप्रति पाण्डे र तिमिल्सिनाले सार्वजनिक रुपमै असन्तुष्टि जनाएका थिए । रावलले पनि एक टेलिभिजन अन्तर्वार्तामा सो प्रकरण गलत भएको बताएका थिए । पूर्व उपाध्यक्ष समेत रहेका रावललाई जग्गा दान प्रकरण सहित पार्टीको निर्णयप्रति लामो समयदेखि फरक मत राख्दै आएकाले स्पष्टीकरण सोध्ने निर्णय गरेको बताईएको छ ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्