राम बहादुर बिश्वकर्मा, प्युठान । प्युठानमा थप ३ जनामा कोरोना संक्रमण देखिएको छ। सरुमारानी गाउँपालिका वडा नम्बर २ ददेरीका दुई बालिका र १ जना पुरुषमा सोमबार संक्रमण पुष्टि भएको हो । उनिहरु ४,६ र २९ बर्ष उमेर समुहका छन।क्वारेन्टाइनमा रहेका ४१ जनाको स्वाब संकलन गरि पठाइएका मध्ये उनीहरुमा कोरोना संक्रमण देखिएको सरुमारानी गाउँपालिकाका स्वास्थ्य प्रमुख टेकेन्द्र रायमाझिले बताउनुभयो। उनिहरु गत जेठ १३ गते भारतको दिल्लिबाट आएर स्थानीय सत्य माध्यमिक बिद्यालयको क्वारेन्टाइनमा बस्दै आएका थिए। भेरी अञ्चल नेपालगन्जको प्रयोगशालामा गरिएको परीक्षणमा उनीहरुलाई कोरोना पुष्टि भएको स्वास्थ्य कार्यालयका प्रमुख विशाल सुवेदीले जानकारी दिनुभयो । यो संगै जिल्लामा संक्रमितको संख्या ३५ पुगेको सुबेदिले बताउनुभयो।
पैरवी अनलाइन
प्रतिक्रिया राख्नुहोस्