पैरवी अनलाइन
राम बहादुर बिश्वकर्मा
प्युठान,नेपाली लोकसंगीतमा नयाँ रचनात्मक ऊर्जा थप्दै,कलाकार जोगेन्द्र बिश्वकर्माले आफ्नो नयाँ गीत“सालैजो” सार्वजनिक गरेका छन्।
गीतमा गाउँघरको बोली,प्रेमको सरलता र नेपाली माटोको सुगन्धलाई संगीतमार्फत अभिव्यक्त गरिएको छ। पहिलो धुन सुन्नासाथै श्रोताको मनमा पुराना मेलापर्व,गाउँको आँगन र बाजागाजासँग रमाउने दृश्य ताजगीसहित उजागर हुन्छ।
हेर्न सक्नुहुन्छ:लोकसंगीतमा चर्चित जोगेन्द्र बिश्वकर्माको नौलो प्रस्तुति
जोगेन्द्रको आत्मीय स्वर र भावनात्मक प्रस्तुतीले गीतलाई साँच्चै आत्मासम्म पुग्ने बनाएको छ। लोकतालमा आधारित मौलिक“सलैजो”शैली, आधुनिक संगीत संयोजन र परम्परागत शब्दको सुमधुर मिश्रणले यस गीतलाई विशेष बनाएको छ।
भिडियोमा प्राकृतिक दृश्य,प्रेम र ग्रामीण जीवनको कथा समेटिएको छ।श्रोताहरूले सामाजिक सञ्जालमा उत्साहजनक प्रतिक्रिया दिएका छन्। गीतमा गाउँको जीवनशैली झल्काउने शब्द,पारम्परिक वाद्ययन्त्रको ताल र जोगेन्द्रको सशक्त स्वरले श्रोतालाई पुरानो मिठासमा फर्काउँछ।
कलाकार जोगेन्द्र भन्छन्,“हामीले आफ्नै संस्कृतिलाई आधुनिक माध्यमबाट जोगाउनुपर्छ। सालैजो हाम्रो पहिचान हो, त्यसलाई हराउन दिनु हुँदैन।”उनले थपे,“सलैजो मेरो माटो,मेरो संगीत र मेरो पहिचान हो।यो गीत सबै नेपालीका लागि समर्पित छ, जसको मनमा अझै गाउँको धुन बग्छ।”
संगीतप्रेमीहरूले यो गीतलाई नेपाली लोक संगीतको गहिराइको पुनःस्मरणका रूपमा स्वागत गरेका छन्। नयाँ पुस्ता मोबाइल स्क्रिनमा रमाइरहँदा पनि जोगेन्द्रले माटोको संगीत सुनाएर परम्पराको धड्कन कायम राख्दैछन्।
स्वर /संगीत: जोगेन्द्र विश्वकर्मा / दुर्गा मगर
निर्देशन:जोगेन्द्र विश्वकर्मा,छायांकन/सम्पादन: विशाल परियार,शब्द: बिनोद परियार,अरेन्ज/मिक्सिङ र मास्टरिङ्: अरेम सुनार र सोनिक रेकर्डिङ स्टुडियो द्वारा सम्पादन गरेको भिडियोमा स्थानीय परिवेश र नृत्यलाई प्राथमिकता दिइएको छ। ग्रामीण जीवनका खुशी र भावनात्मक पक्षलाई सुन्दर दृश्य–संयोजनमार्फत प्रस्तुत गरिएको यो गीतले YouTube ट्रेन्डिङमा स्थान पाउने अपेक्षा गरिएको छ।धेरैले यसलाई“नेपाली लोकभावनाको पुनर्जागरण” भन्दै प्रशंसा गरिरहेका छन्।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्