पैरवी अनलाइन
प्युठान,प्युठानमा विभिन्न पार्टी परित्याग गरि ५४ घरपरिवार नेकपा एमालेमा प्रवेश गरेका छन। नवप्रवेसीहरूलाई प्रतिनिधि सभा सदस्य एवम नेकपा एमालेका पोलिट्ब्युरो सदस्य सुर्य थापाले बिहिबार पार्टीमा स्वागत गर्नुभयो । नवप्रवेशीलाई पार्टिमा स्वागत गर्दै सांसद थापाले एमाले देश र जनताको हितमा काम गर्ने पार्टी भएको बताउँदै एमालेको लक्ष्यमा नवप्रवेशीहरूको योगदान महत्वपूर्ण हुने बताउनु भयो।
एमाले प्युठानका निर्वाचन क्षेत्र समन्वय कमिटी प्युठान ‘क’ का संयोजक मोहम्मद हलिम हलुवाईले सरुमारानी -२, ढांडबाट २८ र माण्डबि गाउपालिका -४ उदयपुरकोटबाट २८ घरसहित ५४ घर परिवार एमालेमा प्रबेश गरेको जानकारी दिनुभयो। कार्यक्रममा नेपाली कांग्रेस, माओबादी केन्द्रलगायत विभिन्न पार्टी परित्याग गरी नेकपा एमालेमा प्रवेश गरेको हलिमले बताउनुभयो ।
प्यूठान थापाको निर्वाचन क्षेत्र पनि हो।सांसद सुर्य थापा गत निर्वाचनमा कांग्रेस, माओवादी र राष्ट्रिय जनमोर्चासहितको महागठबन्धनको उम्मेदवार दुर्गा पौडेललाई भारी मतान्तरले पराजित गर्दै प्रतिनिधिसभामा विजयी हुनुभएको थियो । चुनाव जितेपछि थापा प्रत्येक महिनाजसो प्युठानी जनताको घरदैलोमा पुगेर भेटघाट गर्ने र उनीहरूका विभिन्न समस्याहरू समाधान गर्दै आउनुभएको छ। खरो तर खुला र स्पष्ट्र स्वभावका थापाले प्यूठानमा जनमोर्चाको किल्ला भत्काएपछि एमालेको बलियो संगठनको जग बसालिरहनुभएको छ ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्