पैरवी अनलाइन
प्युठान,प्युठानमा घरविदा सकेर क्याम्पमा फर्किएका ७ जना सैनिकमा कोरोना संक्रमण पुष्टी भएको छ। ईन्द्रध्वज गण प्युठानको आन्तरिक क्वारेन्टिनमा बसेका ७ जना सैनिक जवानमा कोरोना देखिएको स्वास्थ्य कार्यालय प्युठानले जनाएको छ।
मंगलबार एकै दिन थप १० जना पुरुषमा कोरोना संक्रमण पुष्टि भएको हो। प्रादेशिक जनस्वास्थ्य प्रयोगशाला भैरहवामा परीक्षणमा गरिएकोमध्ये २५ देखि ३६ वर्ष उमेर समुहका छन्। एक जना माण्डबी गाउँपालिका र २ जना जिल्ला प्रहरी कार्यालयको हिरासतमा रहेका व्यक्तिमा संक्रमण पुष्टि भएको स्वास्थ्य कार्यालय प्रमुख विशाल सुबेदीले जानकारी दिनुभयो।
मंगलबार आएको रिपोर्टसँगै प्युठानमा सक्रीय संक्रमित ३८ जना भएका छन्। त्यस मध्ये २१ जना सैनिक जवान छन। उनिहरुलाई ईन्द्रध्वज गण अन्तर्गतको फुलबारी ब्यारेक पुणयखोलामा राखिएको छ।
यसअघि कोरोना संक्रमण पुष्टि भएका ३ सय ३७ जना निको भएर घर गइसकेको कार्यालयले जनाएको छ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्