पैरवी अनलाइन
सीता बि.क
प्युठान,प्युठान नगरपालिकाका नगरपालिकाका नगर प्रमुख बिष्णु योगिले जाडोको न्यानो कपडा वितरण गरेका छन्।नगरका बालबालिकाहरुलाई चिसोबाट जोगाउनका लागि उनले न्यानो कपडा वितरण गरेका हुन् ।
शुक्रबार एक कार्यक्रमको आयोजना गरि प्युठान नगरपालिका-५ स्थित ज्ञानज्योति प्राथमिक बिधालय पातलकटेरीका १ सय ४३ जना बिद्यार्थीलाई विद्यालयमै पुगेर पोसाक बितरण गरेका हुन।
जाडो मौसममा साना बालबालिकाको स्वास्थ्यलाई राहत र पढाइमा सहयोग पुर्याउने उद्देश्यले मेयर कोष मार्फत न्यानो कपडा वितरण गरिएको नगर प्रमुख योगिले जानकारी दिए।
विद्यालयको बाल बिकास देखि कक्षा ५ सम्म अध्ययनरत रहेका सबै बिद्यार्थीहरुलाई न्यानो पोसाक पाउँदा बालबालिकाहरुमा खुसी छाएको उनको भनाइ छ ।
त्यस्तै कार्यक्रममा बोल्दै प्युठान नगरपालिकाका प्रवक्ता तथा ३ नंम्बर वडा अध्यक्ष सुमन श्रेष्ठले न्यानो कपडा वितरण कार्यक्रमले कक्षा १ देखि ५ सम्ममा अध्ययन गरिरहेका बिद्यार्थीहरुलाई न्यानो कपडा उपलब्ध गराएर नगर प्रमुख योगिले प्रशंसनीय कार्य गरेको बताए।उनले नगरलाई नमुना बनाउने अभियानमा आफूहरु लागेकोले उक्त अभियान सफल पार्न आग्रह गरे। 
पोसाक वितरण कार्यक्रममा ५ नम्बर वडा अध्यक्ष नन्दराम पुन,विद्यलय ब्यवस्थापन समितिका अध्यक्ष चुडामणि थापा,प्रध्यानाध्यापक पुष्पा अधिकारी जनप्रतिनिधि,अभिभावकहरु लगायतको उपस्थिति रहेको थियो ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्