पैरवी अनलाइन
दाङ । नेपाल–भारत सीमा क्षेत्रअन्र्तगत पर्ने दाङको कोइलावास नाकामा कोरोना भाइरस जाँचका (हेल्प डेस्क) स्थापना गरिएको छ । जिल्ला स्वास्थ्य कार्यालय दाङ र गढवा गाउँपालिकाको सहयोगमा हेल्पडेस्क स्थापना गरिएको हो । भारतीय भुमि हुदै नेपाल प्रवेश गर्ने सर्वसाधारणको स्वास्थ्य जाँच गर्ने उदेश्यले हेल्पडेस्क स्थापना गरिएको जिल्ला स्वास्थ्य कार्यालय दाङकी प्रमुख सुनिता पौडेलले जानकारी दिनुभयो । विभिन्न सिलसिलामा भारत पुगेका नेपाली र भारतबाट नेपाल आउँने भारतीय नागरिकको स्वास्थ्य जाँच गरेमा मात्र नेपाल प्रवेश गर्न दिने कार्यालयले जनाएको छ । स्वास्थ्य जाँचका क्रममा कोरोनाका विरामी फेला परे तत्काल उपचार गरिने पनि कार्यालयले जनाएको छ । यसैबीच कोरोना भाइरस नियन्त्रणका लागि नेपाल र भारतका स्वास्थ्यकर्मी बिचपनि छलफल भएको छ ।
सम्बन्धित खवर
प्रतिक्रियाहरू (0)
प्रतिक्रिया राख्नुहोस्
प्रतिक्रिया राख्नुहोस्