गुल्मीमा एक हजार बढि क्वारेन्टिनमा, १११ जनाको पिसिआर परिक्षण

गुल्मीमा एक हजार बढि क्वारेन्टिनमा, १११ जनाको पिसिआर परिक्षण

अनिल खत्री, गुल्मी । गुल्मीमा पछिल्लो समय यता भारतबाट आउनेको संख्यामा दैनिक जसो बढदै गएको छ । यसले गर्दा जिल्लामा कोरोना संक्रमणको उच्च जोखिम पनि बढदै गएको छ । कोरोना संक्रमणबाट १ जनाको मृत्यु भइसकेको पनि छ ।
जिल्लामा कोरोना संक्रमित बढेसँगै उच्च जोखिम बढदै गएको छ । संक्रमणको जोखिमलाई मध्यनजर राखेर जिल्लामा १ सय वटा आइसोलेसन वार्ड स्थापना तयार गर्ने कार्य अगाडी बढाइएको जिल्लाका प्रमुख जिल्ला अधिकारी भरतकुमार शर्माले बताए । जिल्ला सदरमुकाम तम्घासमा ४० वटा र अन्य पालिकाहरुमा ६० वटा आइसोलेसन वार्ड थपिएका छ । संक्रमितको संख्य बढन थालेसँगै जिल्ला प्रशासन कार्यालय गुल्मीले चन्द्रकोट, सत्यवति, रुरुक्षेत्र, छत्रकोट र मुसिकोटमा आइसोलेसन वार्ड स्थापना गरिएको हो ।जिल्लामा हाल २०३६ वटा वेडको क्वारेन्टिन निर्माण गरिएको छ । जसमा १ हजार ६३ जना व्यक्तिहरु रहेको जिल्ला प्रशासन कार्यालय गुल्मीका प्रशासकीय अधिकृत एबम् सूचना अधिकारी लक्ष्मण पाण्डेयले बताए ।
जिल्लामा हालसम्म १ सय ११ जनाको पिसिआर र ३ सय ७८ जनाको आरडिटि परिक्षण गरिएको पाण्डेयले बताए । जिल्लामा हालसम्म पिसिआर परिक्षणको लागि १५६ जनाको स्वाब संकलन गरिएको थियो । संकलित स्वाब मध्ये ४५ जनाको रिर्पोट आउन बाँकी रहेको छ । जिल्लाको मदाने गाउँपालिकामा र धुर्कोट गाउँपालिकामा कोरोना भाइरस पोजेटिभ देखिएका ३ जना व्यक्तिको जिल्लामै रहेका आइसोलेशन कक्षमा राखेर उपचार भइरहेको छ ।
जिल्लामा हालसम्म संक्रमित संख्या ४ जना मध्ये १ जनाको मृत्यु भएको छ । संक्रमित व्यक्तिको स्वास्थ्य अबस्था समान्य रहेको जिल्ला स्वास्थ्य कार्यालय गुल्मीका प्रमुख डाक्टर भवानी शमाले बताए । मदाने गाउँपालिका पुर्कोटदहका ४१ वर्षिय शिक्षकको बुटवलमा उचारको क्रमममा मृत्यु भएपछि सम्पर्कमा रहेका ३० जनालाई कोरोना भाइरस पिसिआर परीक्षण गर्दा २९ जनामा नेगेटिभ देखिएको थियो ।१ जनामा भने कोरोना भाइरस पोजेटिभ देखिएको थियो । त्यस्तै धुर्कोट गाउँपालिकामा गाउँपालिका अध्यक्ष र अर्का भारतबाट आएर क्वारेनटाइनमा बसेका एक युवामा कोरोना भाइरस पोटिजिभ देखिएको छ ।
संक्रमित ३६ र ३७ बर्षका रहेका छन् ।गाउँपालिका अध्यक्षले एक बिज्ञप्ती जारी गरेर संक्रमित भएको सार्बजनिक गरेका थिए । उनले आफुले कोरोना जितेर छिट्टै काममा फर्किने बताएका थिए ।
जारी बिज्ञप्तीमा गाउँपालिका वासीलाई सुरक्षित रहन र सरकारले जारी गरेको नियम पालन गर्न आग्रह गरेका थिए । जनप्रतिनिधि र अर्का युवकको कोरोना संक्रमण देखिएपछि सम्पर्कमा आएका सुरक्षा निकायका प्रमुखहरु,जनप्रतिनिधीको सहित ४४ जनाको स्वाब संकलन गरेर परिक्षणको लागि रुपन्देहीमा पठाइएको छ । संक्रमित व्यक्तिको सम्र्पकमा आएका जनप्रतिनिधी, सिडीयो सहित सुरक्षा निकाय प्रमुखहरु होम क्वारेन्टिनमा रहेका छन् ।
संक्रमित फेला परेका गाउँपालिकालाई सिल गरेर कन्ट्रयाक्ट टे«सिङ्ग भइरहेको र भेटिएका सबैको स्वाब परिक्षण गर्ने कार्य भइरहेको सूचना अधिकारी पाण्डेयले बताए ।