२५ वर्षदेखी वत्तिले घेरिएको अध्यारो गाँउ यो आर्थिक वर्षमा नयाँगाउँमा विद्युत वल्छः मेयर रोकाय

२५ वर्षदेखी वत्तिले घेरिएको अध्यारो गाँउ यो आर्थिक वर्षमा नयाँगाउँमा विद्युत वल्छः मेयर रोकाय

प्यूठान,स्वर्गद्धारी नगरपालीका वर्डा नं २ नयाँगाउँको वस्ति रोल्पाको रुन्टिगढी(जौलिपोखरी), गोरिनेटा, मसिना, खाल र नसको भुगोलले घेरिएको छ।

नजिकै रहेको स्वर्गद्धारी आश्रममा २५ वर्ष अगाडिदेखी विजुली वलिरहेको छ। अहिले वरपरका सवै गाँउमा विजुली वलिसकेको छ। तर, नयाँगाउँवासी वत्तिले घेरिएको अध्यारो गाँउमा वस्न वाध्य छन्। “खेत र गोठालो गएका वेला पल्लोगाँउ पुगेर मोवाईल चार्ज गर्नुपर्छ। सोलार भएपनी मौसम खुल्ला नहुँदा चार्ज हुदैन। वर्षायाममा वादलले छेक्ने र हिउदमा छोटो दिन हुदा प्राय चार्ज हुदैन।” स्थानिय बोमकुमारी विश्वकर्माले भनिन्– “घरमा वायरिङ गरेको ३ वर्ष हुनथाल्यो। तर, आश्रममा वलेका वत्तिहरु हेरेर रात विताउनुपर्छ। झण्डै १ सय ५० घरधुरी रहेको नयाँगाउमा पोलहरु गाडेर तारसमेत झुण्ड्याईएको छ। तर, विद्युत जडान नगर्दा स्थानियवासी सोलार र टुकिको भरमा वस्न वाध्य छन्। प्राय स्थानियहरु घाँसदाउरा र वन गएको वेला अर्को गाँउमा पुगेर मोवाईल चार्ज गर्ने गर्छन। स्वर्गद्धारी आश्रममा २५ वर्षअगाडी विजुली वल्दा घरछेउँमै वत्ति आईपुगेको महसुस भएको थियो। तर, अझैपनी वत्ती जडान नहुँदा स्थानियवासीहरु निरास भएका छन्। स्थानिय तहको निर्वाचनमा उठ्नेवेला उम्मेद्धारले १ वर्षभित्र विद्युत पुर्याउछौँ भनेर भोट मागेका थिए। तर, साढे ३ वर्ष वितिसक्यो नयाँगाउँवासिका साँझहरु अध्यारोमै वितेका छन् “पाउनुसम्म धोका पाईयो। विद्युत अफिसले मात्र हैन चुनावमा उठेका हाम्रै नेताले पनि जितेपछी आफ्नो वाचा पुरा गरेनन्।” स्थानिय रेखवहादुर विएमले भने –“चुनावपछी र्यालिमा पनि एक वर्षमा विजुली वल्छ भन्ने प्रतिवद्धता भएकाले विजुली वाल्न पाईन्छ भन्नेमा ढुक्क थियौँ।” उता, स्वर्गद्धारी नगरपालीकाका मेयर नेत्रवहादुर रोकायले नगरपालीकाले सुरुमा आफु निर्वाचित हुनेवित्तिकै नगरपालीकाको लगानिमै पोलहरु उपलव्ध गराएको र पछी नेपाल विद्युत प्राधिकरणवाट वजेट विनियोजन भएको वताउनु भयो। ठेक्काप्रक्रिया र ठेकेदारको ढिलासुस्तिका कारण काम ढिला भईरहेको र तुरुन्तै काम सम्वन्न गर्न सम्वन्धित पक्षलाई ताकेता गरिरहेको भन्दै उहाँले चालु आर्थिक वर्षमा नयाँगाउमा विद्युत पुग्ने वताउनु भयो।
नयाँगाउमा यसपाली विजुली वल्छः वोगटी नेपाल विद्युत प्राधिकरण वितरण केन्द्र विजुवारका प्रमुख जयानन्द वोगटीले यो वर्ष नयाँगाउमा विद्युत वल्ने वताउनुभएको छ। ठेक्का भएको तर, कोरोना भाईरसका कारण काम लगाउन अप्ठ्यारो भएकोले समयमा काम नसकिएको उहाँले वताउनु भयो। लकडाउनकै वेलाको संझौता भएकाले कार्यन्वयन समयमै नभएको, ठेकेदारको कर्मचारीलाई पनि कोरोना संक्रमण देखिएकाले काम रोकिएको उहाले वताउनु भयो। कतिपय सामाग्रीहरु कार्यालयले पनि उपलव्ध गराउन नसकेकाले ठेकेदारलाई धेरै दवाव दिन नसकिएको वताउनु भयो। “अघिल्लो ठेक्कावाट केही कामहरु सम्पन्न भएको थियो र यो ठेक्कोको सम्पन्न भएपछी विद्युत वल्छ। अघिल्लो ठेक्कामा भएका कामहरुमै अहिलेको निक्कावाट निरन्तरता दिईने हो।” उहाँले भन्नुभयो। १४ लाख ४ हजार ६ सय ३५ रुपैयाँको ठेक्का जयदुर्गे कन्स्टक्सनले काम गर्नेगरी संझौता भएको छ। गत आर्थिक वर्षमा जिल्लामा १४ करोड रुपैयाँ विद्युत विस्तारका लागी विनियोजन गरिएको थियो। त्यसअन्तरगत स्वर्गद्धारी, अर्खा, रजवारा, लिघा, डामृ लगायत प्राधिकरणको क्षेत्रभित्रका विभिन्न ठाउँमा विद्युत विस्तारका लागी टेण्डर गरिएको थियो।